كثر غلطاتك
أنا حبيت فوق الحب.. ولما اشتقت كنت الشوق
ولما جيت ابنسى الحب..عفت الكون من دونك
أحبك كثر غلطاتك كثر ما لك علي احقوق
وانا من حقي أحلم بك واعيش بداخل اعيونك
تمادى كثر ما ودك..بكل غلطةأحسك ذوق
أحسك تبتعد عني..وغلطاتك يجيبونك
أنا لي خافق عاشق وكان احساسك المعشوق
لقيت ان كل احاسيسي..بكل حالة يحبونك
أنا البس من غلا قلبك ومن شوقك سوار وطوق
واسطر بيوت الشعر..واقول بخط مجنونك
احبك كثر ماتبعد..وكل مرة أحسك فوق
ولو حتى نجوم الليل عندي..مايطولونك
بقلبي لك مواعيد..وظروف وسالفه وشروق
يخون القلب نبضاته.. .وانا والله ما اخونك
. .